bolunta elkarteak sortutako hirikide programa landu izan da, batxilerreko 1. mailako tutoretza-orduan

zer da hirikide

Bizkaiko batxilergo ikastetxeei eta erdi mailako heziketa zikloei zuzenduriko baloreetan oinarrituriko hezkuntzarako programa,16 eta 18 urte bitarteko gazteen artean elkartegintza, boluntariotza eta parte-hartze sozial modu ezberdinak sutatzen dituena.

HIRIKIDE, hiru saioko doako tailerra da, izaera praktikoa, aktiboa, duena eta zentro edo talde bakoitzaren ezaugarrietara egokitzen dena, bizipenetan oinarrituriko laugarren saioa egiteko aukerarekin

Abenduaren lehenengo astean hasita, hilak 2an, Elkarrekin Porgramaren barruan batxilerreko 1. mailako ikasleek Giza Eskubideak hizpidea harturik eta tutoretza-orduaren barruan jarduna izango dute. 
Bideo-foruma eran garatuko da eta horretarako filme zein TBko telesai ezberdinetako zatiak erabiliko dituzte. 
FTSI elkarteko dinamizatzaile batek zuzenduko ditu saioak.

Egutegia (abenduan saio guztiak): 2an, 4an, 5ean eta 17an

Elkarrekin programa

Giza  eskubideetan  eta  bakean,  biktimekiko  elkartasunean,  bizikidetzan  eta gatazken konponbide   baketsuan  hezteko  proiektuetan  prestakuntza-, dinamizazio-  eta aholkularitza-ekimenak  sustatzeko  lankidetza  publiko-sozialeko esperientzia  bat  da.

· Ikastetxeetan indarkeriaren kultura prebenitzeko eta bakearen eta giza eskubideen   aldeko kultura sustatzeko hezkuntza-ekimenak ugaritzea.

·     Irakasleek bakearen, giza eskubideen, bizikidetzaren, biktimekiko elkartasunaren eta gatazkak kudeatzearen aldeko hezkuntzan duten prestakuntza indartzea.

·     Ikasleen artean bizikidetzarako hezkuntza-arloko ekimenak sendotzeko eta familiek zein guraso-elkarteek prestakuntzan eta heziketan parte hartzeko ekimenak sustatzea.

·         Hezkuntza-komunitateko eragileei aholkularitza eskaintzea bizikidetzarako hezkuntza-jarduerak eta -planak diseinatzeko.

Elkarrekin Programa

Abenduaren 2an, arratsaldeko 6etan Deustuko Unibertsitateak bere eskaintza akademikoa aurkeztuko du Asti Lekun (graduak, graduen ostekoak, beste motako ikasketak...) 

Batxilerreko 1. zein 2. mailako ikasleei eta beraien gurasoei zuzenduta dago eta interesa handikoa izan daitekelakoan gaude.

Bilera areto nagusian izango da.

Urtero bezala, Deusto Business Schoolek (Deustuko Unibertsitateko Ekonomia eta Enpresa Zientzien Fakultateak) antolatuko du Deusto Business School-eko Astera. Egun bateko unibertsitateko esperientzia biziko ahal izango dute ikasleek eta Enpresen Administrazio eta Zuzendaritzako Graduaren barruko arlorik nagusienak ezagutuko dituzte, Fakultateko bertako ikasleen eskutik, jarduera eta lantegi batzuetan era praktikoan eta dinamikoan parte hartuz. Egitaraua 2014ko azaroaren 24a, astelehena 19:00etan: Enpresen Administrazio eta Zuzendaritzako Graduaren (EAZ) + Zuzendarien Aurrerabideko Programaren (DUko titulu propioa) ateak zabaltzeko jardunaldia Tokia: Deustuko Unibertsitateko Entzungela (Eraikin nagusia) 2014ko azaroaren 25a, asteartea 15:30 - 16.45: Burtsa lantegia 17:15 - 18:30: International Business lantegia 2014ko azaroaren 26a, asteazkena 15:30 - 16:45 Marketineko lantegia 17:15 - 18:30 Giza Baliabideetako lantegia www.dbs.deusto.es/astea

Datorren astean hasiko direla Deustuko Unibertsitatearen Donostiako eta Bilboko campusetan Gradu eta Gradu Bikoitzen inguruko Informazio Saioak, 2015/2016 ikasturteari begira. Saioak 19:00etan izango dira. Ondoko esteketan titulazio bakoitzeko informazio saioak zein egunetan izango diren ikusi ahal izango duzu: Donostiako Informazio Saioak Bilboko Informazio Saioak Fakultateetako ordezkariek titulazio bakoitzaren aurkezpen zehatza egingo dute:  ikasketa plana, lan irteerak, onarpen prozesuak, etab.  Informazio guztia ondoko helbidean kontsulta dezakezu:

www.ikasleberriak.deusto.es  Jaso ezazu agur bero bat,       Ikasle Berriak 900 500 600

Datorren asteko asteartea, hilak 25an, batxilerreko 2. mailako ikasleak Bilboko Euskalduna Jauregian ospatuko den PRESTIK izeneko ikasketa eta lanbide feriara joango dira.
Han tailer ezberdinetan hartuko dute parte: Zure lan etorkizuna argituz, Zalantza dantza eta  Diseina itzazu material arinekin eraikin solidoak izenekoak.

Horretaz gain ferian unibertsitate zein lanbide eskola ezberdinek bere stand-ak jarriko dituzte eta informazioa eskuratzeko aukera izango dute.

Azaroaren 12an gizarte eta giza batxilerreko 1. mailako ikasleak EITBk Bilbon duen egoitza bisitatzera joango dira. Honen bidez komunikazioaren ikus-entzunezko esparruan eta zehazki telebista eta irrati moduko komunikabideetan lanbide-eremu ezberdinak bertan ikusteko eta ezagutzeko aukera izango dute.