EHU/UPV-n gradu berriak

 

Jakinarazten dizuet UPV/EHUko Gobernu Kontseiluak Lehen Hezkuntza + Haur Hezkuntza Gradu Bikoitza sortzea onartu duela. Titulazio berri hau datorren 2023-2024 ikasturtetik aurrera eskainiko da Gipuzkoako Campuseko Hezkuntza, Filosofia eta Antropologia Fakultatean (ikus albistea hemen).

 

Era berean, datorren ikasturtean Ingeniaritza Biomedikoko Gradua eskainiko da Bilboko Ingeniaritza Eskolan, osorik ingelesez eta Heziketa Dualeko ibilbidearekin (ikus albistea hemen).

Bi titulazio horiei eta UPV/EHUko gainerako graduen eskaintzari buruzko informazioa emango da 2023ko EHUazokan - Unibertsitate Orientaziorako Azokak. Azoka horiek hiru larunbatetan egingo dira:

• urtarrilaren 28an Donostian
• otsailaren 4an Vitoria-Gasteizen
• otsailaren 11n Bilbon

Deusto: Ate irekien larunbatak.

 

Jakinarazi nahi dizuet urtarrilaren 14an, 10:00etatik 14:00etara, ateak Irekietako larunbata izango dutela Bilboko eta Donostiako campusetan eta Gasteizeko egoitzan. Aurrez aurreko jardunaldia izango da. Hartara, titulazioen inguruko zalantzak argitu ahal izango da, titulazioetako irakasleekin solasean edo informazio saioetan parte hartuz. Gainera, instalazioak eta unibertsitateak eskaintzen dituen zerbitzuak ezagutzeko aukera emango da.  Ondoko estekan zein campusetara joan nahi duzuen aukeratu beharko duzue, eta dagokion inprimakiaren bidez izena eman beharko duzue.

Ate irekien larunbatak

Inprimakia betetakoan, posta elektronikoko mezu bat jasoko duzue inskripzioko datuekin eta jardunaldian aurkeztu beharko duten QR kodearekin.