EHUazoka: Unibertsitate Orientaziorako Azoka

EHUazoka, UPV/EHUren Unibertsitate Orientazioko Azokaren helburua unibertsitate aurreko ikasleen informazio- eta orientazio-beharrak asetzea eta unibertsitate-ikasketak aukeratzen laguntzea da.

Azokan, unibertsitatera joango diren ikasleek aukera izango dute unibertsitatea eta ikasketa eskaintza hobeto ezagutzeko, eta, era berean, aukera izango dute egin nahi dituzten ikasketei buruzko zalantzak argitzeko. 

Azokan, 2 eratako jarduerak egongo dira

• Informazio saioak taldeka
• Banan banako arreta standetan

 
2023rako lekuak eta datak:

• Gipuzkoako Campuseko Azoka: urtarrilak 28, larunbata
• Arabako Campuseko Azoka: otsailak 4, larunbata
• Bizkaiko Campuseko Azoka: otsailak 11, larunbata

Berriak:

• Standetarako sarrera librea
• Informazio-saioetan parte hartzeko nahitaezko izen-ematea

 

EUNEIZ. Eskaintza berria

 

EUNEIZ Unibertsitateak 2023-24 ikasturteari begira eskaintza akademikoa zabalduko du.

Alde batetik, bideojokoen sektoreari dagokionez bi titulazio berri planteatzen dituzte: Bideojoko eta Animaziorako Artean Gradua eta Bideojokoen Diseinuan eta Garapenean Gradua, bideojoko eta joko aplikatuak sortzeko prozesu osorako gaitzen dutenak. Bideojokoei buruzko lehen unibertsitate-tituluak izango dira Euskal Herrian.

Bestalde, titulazio berri bat gehitzen dute teknologiaren arloan, Euskadin ere aitzindaria dena, Zibersegurtasuneko Gradua. Pertsonei, enpresei eta erakundeei eragiten dien eskari global batean espezialisten prestakuntza sustatuz.

Hiru titulazio berri hauek datorren ikasturtetik aurrera, gure egungo proposamen akademikoa osatuko dute, joan den irailean gradu hauekin hasi zena: Multimedia, Entretenimenduaren Industriarako Musika eta Soinu Ekoizpena, Fisioterapia eta Jarduera Fisikoaren eta Kirolaren Zientziak.